Bakıdan Kiyevə çarter reysləri həyata keçiriləcək

“Ukraynanın Beynəlxalq Hava Yolları” aviaşirkəti Bakı-Kiyev marşrutu üzrə 3 çarter reysi yerinə yetirəcək.

Heydər Əliyev Beynəlxalq Aeroportunun mətbuat xidmətindən bildirilib ki, uçuşlar dekabrın 14-dən 28-dək həftədə bir dəfə, bazar ertəsi günləri həyata keçiriləcək.

Reyslərə Heydər Əliyev Beynəlxalq Aeroportunun 1-ci terminalında xidmət göstəriləcək.

Qeyd edilən çarter reysləri yalnız Ukrayna vətəndaşlığı və ya bu ölkəyə giriş hüququ olan, həmçinin COVID-19 testindən keçərək mənfi nəticə əldə edən sərnişinlərin daşınması üçün nəzərdə tutulub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir